بيتي زغير بكندا.
ما بيعرف طريقو حدا
قرميدو مغطى بالتلج.. وكل المرج
شجر وعصافير كتير
بتغط ترتاح وبتطير
ع قرميد بيتي زغير بكندا
كلما بتتلج.. بينطر يدوب التلج
كلما تغيم.. بينطر يرجع ربيع
بيتي زغير بكندا
من حولو كل المدى
بابو ما إلو مفتاح
.. بالي مرتاح
أوضة ودار وعلية
بقعد وحدي منسية
عا شبابيك بيتي زغير بكندا
بيتي زغير بكندا
وحدو صوتي والصدا
لا في صحاب ولا جيران.. القمر سهران
بفكر فيك وبشتاقلك
بحزن وبستفقدلك
على باب بيتي زغير بكندا
بشعل النار.. بنطر ترجع حبيبي
تبقى حدي وما تتركني غريبي
بيتي زغير بكندا
ما بدي يزوروا حدا
إلا اللي قلبي اختارو.. قللو سرارو
لشو فتش بهالكون
وبعرف السعادة هون
بقلب بيتي الزغير بكندا.
1 commentaire:
...merci pour (les paroles de )la chanson de feirouz je l'ai ecouté deja une fois et j'ai bien aimé c'est une chanson francaise tres ancienne de line renaud qui parle du bonheur d'une vie libre dans une cabane au canada blotie au fond du bois dans une foret ...... c'est merveilleux .
tu etais au canada ?
Enregistrer un commentaire