نكتة 2

ثََمّة أمْرَى فرنساوية إسْمها ليزا
ووَحْدة إنجليزية إسمها اليزابيث ‏ووحدة
تونسية إسمها "بية للة البدور"
‏الثلاثة فَدُّوا من قضْية الدار والغسيل والتطييب والكنسان

فإتفقوا يعملُو إضراب 3 أيام ويخليو رجالهم يخْدموا في بلاصتهم وبعد إسبوع يتقابلو وكل وحدة تقول آش صار لها
وبعد أسبوع
‏قالت ليزا الفرنسية أنا قلت لراجلي 3 ايام من اليوم مافيش لا طياب ولاتنظيف ولا حديد .. أنا فديت من خدمة الدار وشوف لك حل!!!
"تعدى نهار وماشُفْتْ شيئ
‏وثاني يوم زادَهْ ما شُفتْ شيئ
‏وثالث يوم لقيتْ راجلي قايم الصباح بكري وطيب الفطور وجابهولي في السرير وأنا مازلت راقدة وبعد مشى لخدمتو"

‏اما البريطانية اليزابيث قالت:

"وأنا زاده قلت لراجلي 3 ايام من اليوم مافيش لا طياب ولاتنظيف ولا حديد .. أنا فديت من خدمة الدار وشوف لك حل!!!
‏أول يوم ماشُفت شى
‏وثاني يوم زادَهْ ما شُفتْ شيئ
‏لكن في اليوم الثالت لقيت راجلي مشى للمَرْشِى وإشرى كل الحاجات الي نحبها وبعدها قام طيب الفطور ونظف البيت كلو ...

بية للة البدور جاء دورها بش تحكي، قالت: أنا مشيت بعد ماخليتكم وقلت لراجلي إسمع يا محمد اليوم بركة مافيش لا طياب ولاتنظيف ولا حديد .. أنا فديت من خدمة الدار وشوف لك حل!!!
‏وبصراحة
أول يوم ماشفت شيئ
‏وثاني يوم ماشفت شيئ
‏وثالت يوم زاده ماشُفْتْ شيئ
‏والحمد لله رابع يوم وليت نُشوفْ شويا بعيني اليسار