aid mabrouk

aid mabrouk
1. من وحي تهاني العيد2007
2.من وحي عيد 2007 http://soufi2.blogspot.com/2007_10_01_archive.html

Lire la suite ...!

الترينو الجديد

( جواب مْسُوقر للشيمينو )

إسْمَعْ يالّي مَا سْمعتِشْ، قالك ياسِيدي بن سيدي جابُولنا ترينو طيّارة على خاطر القُدم كبرُو برشة وما عادش يصلحو وعلى خاطر خُوكُم دُغْفة يصدّقْ كل خبر بَاهي، قلتُ لرُوحي برّ نجربُو بش نذُوق بنة التكنولوجيا وعلى خاطر الترينُو القديم يعجبنِي قلتُ في قلبي مُوش مُمْكن يجوبُو الا واحد خِير منُو بش ينجم يشد 30 و40 سنة لقُدام وهزيت كتيب تحْفٌون وقصدتُ لاقار متاع برشلونة الحاصيلو ما نطولش عليكم تعداتلي سفرة مشُومة

حِسّ ما ينطاقش وزمارة تفجع المُوتى وتخليك تترحّم على عُروسات الحُومة وقالك الحسّ متاعُو مدروس فوق 130

دسبال بش ما تسْمعشي كلام اللي بحْذاك
رعشة خائبة : يبرطعْ كي البغل ويهز وينفضْ ( بالحق موش تعبير مجازي) ويفيبري ويطقتق تقول عليه بش

يتطرشق وفي كل دورة صغيرة يَمْشي ويجي يُمخُضْ فيك كيف الشكوة وحاصيلو ما تُوصل الا ما تتعلم الشطيح وقالك الرعشة متاعو مدروسة زادة بش ما تخليش المُسافرين المتغششين يكتبُو في الترينو جوابات إحتجاج ضدو قالك حقة حقة " في ترينونا ويزيدُو يسِبُونا " . اللي ما فهمتوش اذا كانت الكتابة ممنوعة علاش يشوش الترينو علي المُطالعة ؟ والقهوة اش نو ذنبها ؟ راهو لا ياقف في هذا الترينو لا كاس ولا دبوزة ولا صغير ولا عزوزة وما توصل الا وكرشك تُوجع فيك والدوخة تلعب عليك وكرهبتك تتشمت فيك "أي يه أي يه"
3. كراسي ضيقة برشة قالك على خاطر التوانسة يحبُو الضيق وبش اللي عندو كرش يشربها والي عندو ساقين طوال يقصهم وحتى بلايص القعاد ضيقة وبلايص الأدباش ضيقة شماتة في اللي يسافرو ومعاهم برشة دبش وظهر الكراسي مدرُوس بأرقونومي متاع شماتة حاصيلو ضربة ضربة للظهر بش يقصمٌو اذا هو تاعب واذ مُوش تاعب يتعبو حاصيلو كراسي آخر زمان لا راحة ولا غمضة نوم ولا تبزيعة .
السلامة تبدو مضمُونة 100 في 100 بفضل الخدمة على الاستاتيك والبلاستيك اللي دائر سائر والجوانب البلورية اللي تعمل الكيف حاصيلو ترينو صغير متاع دوليشة بين المرسي وحلق الوادي موش متاع سفرة بالحق بين تونس وعاصمة التلوث ترينو كل على بعضو حلو ولكن يبان خفيف ما يصْمُدْشي قدام أي حادث .
واذا خذيت بلاصة وراء الشيفور تلقي رُوحك في أول الترينو تتفرج من البلار على الدنيا الكل ومن غصرة لغصرة ترى الموت بعينيك كل دقيقة وما نحكيليكش على الندم وانت تقول يلعن بُو هذه العَمْلة ...وشَعْفة وتُوبْة وسَيبُوني خلي نروّح .... حاصيلو حقهم كتبو علي الكراسي الامامية خاصة بفاقدي البصر ...الخلاصة ان البلار والشفافية موش باهية على خاطر يزيدُو الخوف ويفقدو المُسافر الاحساس بالأمان اللي تعوّد عليه في الترينو القديم وقتلي كان ما يُشُوفش قدامو حتي شيء وكان مُطمان على خاطر فمة قاطرة تسُوق ويُمكن اذا صار حادث بش تحمي المسافرين.

الحاصيلو ما وصُلت لصفاقس كان ما شهدتُ ولعْبتْ عليّ الدوخة وسبت رُوحي 100 مرة على هذه العملة الكلبة وقلت لروحي " كان خذيك كريطة كان خير " وبعد ما ارتحت نهارين بشهادة طبية رجعتُ نخمم
في كراس الشروط وفي المقاييس العالمية وفي منظمة الدفاع عن المُستهلك ( اللي يلزمها تنصح المستهلك بترشيد الجلوس والتحكم في السفر ... ) ونسأل عنديش الحق بش نطلب تعويض عن الإضرار الحاصلة ؟
باللهي رجعولنا الترينوات متاع عام 80 خاطر هذا الترينينو الي عاملين عليه عيطة وشهُود كعبة لا وما يبعدش على الترام متاع عام 11 و يُمكن يُعوض ترينو الباي واكثر ما ينجم يعملوا يخدم مترو
وعلي فكرة حكيت مع البرسونال متاع الترينو هذا نلقاهم متعششين وقالولي برشة كلام ما نجمشي نعاودو على خاطر ما نعرفش صحتو وأطرف ما قالوهولي ان الترينو الجديد ما عندوش ماركة .مازالشي زادة يجيبولنا امارك مُوش معروفة قلنا ميسالش اما بلا ماركة جملة ما نجمتش انصدق بالله ثبتولي في الموضوع وفي الانتظار بالله رجعوننا مشومنا ما نحبُوش التجديد

Lire la suite ...!